Yoshlar va xotin-qizlar ishtirokidagi forumlar, uchrashuvlar, ochiq muloqotlar va seminarlar — 2026-yil aprel–sentabr.
Mehnat va ijtimoiy munosabatlar akademiyasi hamda O'zbekiston Ekologik partiyasi hamkorligida ochiq dars-tadbir bo'lib o'tdi. Tabiatni asrash, suv va elektr energiyasini tejash, chiqindilarni saralash, yoshlar va xotin-qizlarni qo'llab-quvvatlash masalalari muhokama qilindi, psixologik treninglar o'tkazildi.
O'zbekiston Ekologik partiyasi raisi Abdushukur Hamzayev va O'zbekiston Yoshlar ittifoqi Markaziy Kengashi raisi Xayrulla Sattorov ishtirokida yoshlar bilan ochiq muloqot. Ekologiya, yoshlar siyosati va istiqboldagi loyihalar yuzasidan yoshlarning taklif va tashabbuslari tinglandi.
Ilm-fan, STEAM yondashuvi va ekologik innovatsiyalar bo'yicha dolzarb masalalar muhokama qilingan uchrashuv. Faol yoshlar o'z g'oya va tashabbuslarini taqdim etdi, ishtirokchilar sertifikatlar bilan taqdirlandi.
O'zbekiston Ekologik partiyasi va «Respublika Imkoniyat» jamoat birlashmasi o'rtasida xotin-qizlar salomatligini muhofaza qilish, sog'lom turmush tarzini targ'ib etish va ayollarning tibbiy hamda ekologik madaniyatini oshirish bo'yicha hamkorlik yo'nalishlari belgilandi.
Mustaqillikning o'ttiz besh yilligi munosabati bilan fan, ta'lim, sog'liqni saqlash, sport, madaniyat va san'at sohalari hamda OAV xodimlarining davlat mukofotlari bilan taqdirlanishiga bag'ishlangan tadbirning ishchi guruhida ishtirok etildi.
Mustaqillikning 35 yilligi munosabati bilan «Xotin-qizlarning siyosiy va ijtimoiy faolligini oshirishda zamonaviy yondashuvlar» mavzusida forum. Spikerlar: MPA Global agentligi direktori Nafosatxon Tojiboyeva, psixolog Umida Abdullayeva, O'zbekiston Milliy universiteti kafedra mudiri Nilufar Abdurahmonova, «Ayol uchun» platformasi asoschisi Mahliyo Tojiyeva (PhD), Adliya vazirligi bosh maslahatchisi Nasima Abdullayeva, Central Asian University prorektori Shohida Ibragimova va Boshqaruv samaradorligi agentligi xodimi Gulchehra Ashurova. Forum Axborot24 telekanalida yoritildi.
Xotin-qizlarning faol hayotiy pozitsiyasini qo'llab-quvvatlash, ularni birlashtirish hamda yangi tashabbuslarni ilgari surish maqsadida loyiha boshlandi. Forum doirasida ekspertlar bilan ochiq muloqotlar, tajriba almashinuvi va kasbiy rivojlanish uchrashuvlari rejalashtirildi.
Hududiy tashkilotlar bilan onlayn muloqotda ijtimoiy tarmoqlardagi faollikni oshirish, faoliyatni monitoring va reyting asosida baholash hamda ilg'or tajribalarni ommalashtirish bo'yicha vazifalar belgilandi.
Yoshlarning ekologik tashabbuslariga bag'ishlangan forumda ishtirok etildi.
Ekologiya, yoshlar siyosati va istiqboldagi loyihalar yuzasidan fikr almashildi. Spiker — O'zbekiston Milliy Iqtisodiy Hamkorlik Uyushmasi bo'lim boshlig'i, iqtisodiyot fanlari bo'yicha PhD Mahliyoxon Tojiyeva.
«Xotin-qizlar bilan ishlash» bo'limi tashabbusi bilan xotin-qizlar o'rtasida «Zakovat» intellektual o'yini tashkil etildi.
«Ziyo Forum» anjumanlar zalida xalqaro yoshlar ekologik sammiti bo'lib o'tdi. Sammitda xorijlik ishtirokchilar, xorijning top universitetlarida tahsil olayotgan yoshlar, deputatlar va ekspertlar ishtirok etdi. Hududlarda tashkil etilgan markaziy studiya orqali 1000 dan ortiq yosh qatnashdi.
Butunjahon atrof-muhitni muhofaza qilish kuni munosabati bilan Millatlararo munosabatlar qo'mitasi hamda Yakkasaroy tumani hokimligi hamkorligida madaniy-ma'rifiy tadbir tashkil etildi.
Toshkent viloyati Bo'ka tumanidagi 2-sonli texnikumda ekologik festival doirasida yoshlar bilan ochiq muloqot tashkil etildi.
Faol yoshlar ishtirokida eko-hashar aksiyasi o'tkazilib, «Cho'pon ota» hamda «Said Vaqqos ota» qabristonlari obodonlashtirildi.
Qonunchilik palatasi huzuridagi Yoshlar parlamenti a'zolarining hududlardagi faoliyati, deputatlar bilan hamkorligi tahlil qilinib, takliflar umumlashtirildi va kelgusi vazifalar belgilandi.
Deputat Noiba Inayatova, Respublika Yosh olimlar kengashi raisi Sayyora Saidova (DSc), professorlar Zikrilla Alimov, Amet Madreimov, Sardorjon Avazov, xalqaro professor-o'qituvchilar Kiran Shinde va Yahya Mohamad Halawani hamda yosh tadqiqotchilar ishtirokida ekologiya, yashil iqtisodiyot, ekoturizm va yoshlarning ekologik tarbiyasi muhokama qilindi.
Toshkent kimyo-texnologiya institutida ochiq muloqot: deputat G. Tadjibayeva, «Karyerist uz» asoschisi M. Inomova va Markaziy bank bo'lim boshlig'i E. Ikramov yashil startaplar va yoshlar tashabbuslari haqida so'zladi. Faol yoshlar partiya safiga qabul qilinib, a'zolik guvohnomalari topshirildi.
Respublika bolalarni ijtimoiy moslashtirish markazida xotin-qizlar o'rtasida sport musobaqalari va ekologiya, salomatlik yo'nalishidagi intellektual bellashuvlar o'tkazildi. G'oliblar sertifikat va sovg'alar bilan taqdirlandi.
«Yurtimizda yoshlarning ekologik madaniyatini oshirish bo'yicha islohotlar va ularning natijalari» mavzusida Yakkasaroy tumani hokimligi bilan hamkorlikda uchrashuv. Hokim Nilufar Allaberganova va Nilufar Matkarimova 140 ga yaqin yosh bilan ochiq muloqot qildi, takliflar yuzasidan vazifalar belgilandi.
